Iroas - Nachtgedankä EP

Free Download@Bandcamp

 

 

 

-----------

Nachtgedankä

Video @ Youtube

 

[Part 1]

ds isch einä vo minä vilä wägä dür d stadt, 

i bi grad so vor hauä cho ä bächer ir hand, 

är isch haub vou mit aukohou u tristä gedankä, 

schrittä rückwärts, ei fuess hingerä ander, 

wermi, breitet säch us, i lächlä churz, 

u schiessä nachem nächstä schluck dr bächer furt, 

no 10 prozänt akku, für musig ufem heiwäg, 

flugmodus dri o weni lieber nid ällei wär, 

i dänkä a si und wie ig sä mau cha träffä, 

vergrabä mini häng tief idä jaggätäschä, 

zieh dür verlassni wägä, 

das si schrittä ir nacht wie bi däm alfred werker 

 

[Part 2]

ds isch einä vo minä vilä wägä dür d stadt, 

biegä bim eigerplatz richtig fischermätteli ab, 

gspürä dr wind wo mir übers gsicht stricht, 

i wirdä müed, bi froh dasi gli bi mir bi, 

deheim wirdi sofort ischlafä, 

loufä witer da stigt mr dr duft vo früschem brot id nasä, 

schämä mi churz dass die schaffä weni heiga, 

doch scho isch dr duft verschwundä, baud chumi deheim a, 

biegä i d strass i, suechä nachem schlüssubund, 

vermissä ire vertröimt blick und i machä d türä uf, 

nachtgedankä im chopf wo ke andri inächöi, 

wenn si nid im zimmer wartet, denn i minä tröim

 

 

----------------------

Vrsteisch? (feat. Roumee)

 

[Roumee]

solang üses härz schlaht blybe mr drbi, 

musig isch zytlos drum geit üsi liebi ni vrbi, 

iroas am beat und ig touchä tief dri, 

üsi värsä trägä üs egau womr git si, 

ke doubletime meh wüu wede z schnäu geisch, 

vrpassisch d essänz vo dirä wäutreis, 

si fragä mi: wiso bisch du noni fame dini lieder si so geil? 

ig bi beschäftigt ig schribä a mim tape, 

yo, au di beats begleite mi im autag, 

d muse isch eifach cho und het üs gfiggt mir hei doch gar ke wau gha, 

du nimmsch d wäut us obwou dä gar ni viu bruchsch, 

die wo am lengere hebu si luege tatelos zuä, 

figg uf die si hei di nur belogä, 

momentan simr numä frei idä lieder womr losä, 

doch je meh ds mr si desto weniger ifluss hei die obä, 

ä chönig ohni vouk isch nüt wärt, roumee 

 

[Iroas]

roumee und iroas nick mitm chopf mit, 

i bouä iz beats und mir lifere tophits, 

was tophits?! Hä dsch ä witz verdammt, 

schiss ufä räst wöu mr schribä was mr fiirä man, 

du chasch chattä und flirtä isch ds dini tussä? 

I triffä niemer houä lieber mau ä EP usä, 

und wenn i down bi cha leidr o si, 

schribi izä textä uf mini eigetä beats, 

di typä si whack da gsehsch reiäwiis versager, 

denn hütigi rapper ke eier wi veganer, 

schöni ray ban wo uf dirä nasä sitzt, 

ä schlag is gsicht u d nasä bricht, 

fischermätteli hood gäng, 

jay & plattä, was hesch de du dänkt? 

symbiosä drum geit liebi ni verbi, 

solang üses härz schlaht blybe mir drbi 

 

 

----------------

Nacht am Abgrund

 

[Part 1]

är het es ziu vor ougä wett immer witerloufä, 

doch wäg dr vergangeheit cha ihm leider niemer gloubä, 

drum midet är dr tag louft im dunklä umä, 

fründschaftä heis nüm gschafft und si im untergrund verschwundä, 

är weiss nüm was er söu mache denn är isch gfange im schattä 

wägä vergangenä tatä, 

während angeri lächlä ischer ghanget ar fläschä, 

für jedi wundä hetr trunkä und uf antwortä gwartet, 

iz ischer gärn älei während eim 

fasch niemer begägnet wenn ir nacht dür bärn geisch, 

s läbä hetnä bitter entüscht, 

är wot dr wäg zum glück findä doch da füehrä d’ schrittä is nüt 

 

[Hook]

är steit am abgrund breitet sini flügu us, 

wägä gedankä wo nid immer sinn ergäbä, 

är het dr schritt gmacht weiss nid woner düre muess, 

de machter d ouge zue und lost iz uf sis innerstä 

är steit am abgrund breitet sini flügu us, 

da chunnt langsam d hoffnig us sim innerä, 

är het dr schritt gmacht weiss nid woner düre mues, 

de machtr d ougä zue und lost iz uf sis innerstä 

 

[Part 2]

är hasst das schiss gäud i sirä fantasiewäut, 

hetr au das was ihm hie fäuht, 

är findet ke antwortä, 

i sim läbä isch di einzig frou wonä cha verstah di dunkli nacht wordä, 

är hockt gärn im tram wes dussä dunku isch, 

we d wäut a ihm verbizieht währender umesitzt, 

und wenr usestarrt i di ruhigi atmosphärä, 

gsehtr, dass di verzerrte biuder sinä gedankä ähnlä, 

ds isch aus beschwährläch und sicher ni z letschte mau, 

aus woner druf zuegeit verschwindet im freiä fau, 

vilch chanersech rettä aber we nüt ufgeit, 

verschlingtnä dr tüfuskreis 

 

[Hook]

är steit am abgrund breitet sini flügu us, 

wägä gedankä wo nid immer sinn ergäbä, 

är het dr schritt gmacht weiss nid woner düre muess, 

de machter d ouge zue und lost iz uf sis innerstä 

är steit am abgrund breitet sini flügu us, 

da chunnt langsam d hoffnig us sim innerä, 

är het dr schritt gmacht weiss nid woner düre mues, 

de machtr d ougä zue und lost iz uf sis innerstä 

 

 

 ----------------------------

Street Mentality (feat. Franklyn)

Video @ Youtube

 

[Iroas]

i bi zrügg idr hood zum texte schribe gnue tintä, 

dini musig isch scheissä wöu type wi du sä guet findä, 

i bouä beats u textä u dir chöit eh nid rappä, 

aus wasserwaag dient mr ä haubvoui jegifläschä, 

es architektonischs meisterwärch, 

benjamin franklyn und iroas vereinä säch, 

ufemnä leidä track, dä überrist gränzä ds bärn, 

ä chlapf a di gring är dräiht mit 33 rpm, 

yo, mir rettä di baud, 

dr tufu hets gseit steudr vor du bisch ändwhack und merksches nid mau, 

suech lieber bletter im waud anstatt i dim notizblock, 

bevori es wort verschwändä da knauis dir vor di chopf, 

ah, special effect, di deppä perplex, 

machä grossi ougä vo dä textä entsetzt, 

du wosch id charts cho? mitmne krasse move! 

i chume i mis zimmer u legä di eiget platte uf 

 

[Franklyn]

nachdäm track nenne mi whack mcees vilech es arschloch, 

doch hip hop isch kes accessoire und wu tang ke kampfsport, 

vrzichte ufdi maskerade wülly nid id charts wott, 

drum bastli imim labor, ame whack mcee alarmchnopf, 

dir sit verbrecher, jede beat wodr drüber rappet e tatort, 

eui texte nid eloquent sondern sprachtot, 

dir babos sit faschos so planlos, wi zahnlosi faschos nach paar gaschos am bahnhof; 

plump und farblos aber passend vrs radio; 

Eue rap nid fett wi dicki spasste nach paar jahre cardio, 

s fählt nid ade rapper ider schwiiz sondrn a wahre wort – ar ächtheit, 

dir schwizrap versione vom moneyboy, 

so pinlech da finidi sogar dr cabarandi dope, 

was beef? ig u dr griech plane ä massemord, 

wott eue shit gar nid lose, lieber hetti e schwanz im ohr 

dankm iroas biini im game nid dr hahn im chorb 

 

 

------------------

La mi la ga (feat. Tif)

 

[Tif]

bletter gheiä und i gheiä mit, 

la mi la tribä mit em wind wines chlises ching, 

weiss nid wohärä dses geit, aber i weiss das deheimä dert isch, 

wo di koffer umästeit und nid dert wo mä di kennt, 

dert wo mä di verachtet, 

für aues wo de vorhesch und aues wo de gmacht hesch, 

deheim isch wo de glacht hesch happy mit dir säuber, 

und nid definiert dür abgsperrti fäuder, 

i la mi la leitä vo dä farbä a dä muurä a dä züg und a dä brüggä, 

wo si schmückä mit vergangenä gedankä und entwichä so dä schattä, 

wo si setzä zum mi brämsä und zum deckä vo dä lampä wo mi leitä, 

irgendwenn bini deheim i bruchä gar kes billiet, 

u wermä mini ufgschürftä füess amnä cheminée, 

i bi gar nid verlorä vor was han ig mi gfürchtet, 

grännä lislig mit mir säuber, fuck bini glückläch 

 

[Hook]

la mi la ga la mi la zie, i bi säubschtständig, 

und i weiss es o wenns nid seisch, ig bi dr eigentläch egau, 

la mi la ga la mi la zie, i bi säubschtständig, 

und i weiss es o wenns nid seisch, ig bi dr eigentläch egau 

 

[Iroas]

du hesch mir dr rüggä gchert, doch i stah glückläch da, 

wöu ja o ä schönä rüggä entzückä cha, 

la mi no la tröimä, denn i verwache gli, 

mis deheim isch überau dert wo mini gedankä si, 

auso machi d fänschter uf i mim gedankäschloss, 

gseh üs beidi zämä u mir loufä richtig abärot, 

und di warmä wort formä säch zu pflastersteinä, 

wägwiser zeigä a mir si scho fasch deheimä, 

und ischs di fauschi richtig, machsch paar schrittä zrügg, 

mängisch muess mä rückwärts ga fürnä nöiä wäg, 

und ischs dr würkläch wichtig, dass das itzä glückt, 

de ligt dis deheimä scho i öinä händ, 

und iz gisch mr no ä letschtä kuss uf d lippä 

bevor dini umrissä i dr luft verschwindä, 

z letschtä woni gseh, isch dis lächlä, guet, 

i mache d ougä uf u mini fänschter zue 

 

[Hook]

la mi la ga la mi la zie, i bi säubschtständig, 

und i weiss es o wenns nid seisch, ig bi dr eigentläch egau, 

la mi la ga la mi la zie, i bi säubschtständig, 

und i weiss es o wenns nid seisch, ig bi dr eigentläch egau

 

 

-------

Linie 6

 

[Part 1]

i gseh verschideni gsichter mit nämä woni wider vergissä, 

belanglosi gspräch über witzigi gschichtä, 

einzelni personä i dr mitti am sitzä, 

odr päärli wo innerlech schwigä u dliebi isch im winter verblichä, 

frouä mit stöpslä idä ohrä si rhytmisch am nickä, 

riisigi tittä ungerem tishi am wippä, 

paar chlineri chinder male biuder ad schibä, 

idäm si wassertropfä fougä wo i dr tiefi verschwindä, 

närvösi händ wo is täschäinnerä grifä, 

und luegä obsi s billet findä, 

u wesis gfundä hei das erliechtertä grinsä, 

wesis am kontrolleur zeigä u dä vo hie cha verschwindä 

 

[Hook]

das si gschichtä vor linie 6 

ufere tramfahrt ir hood

 

[Part 2]

jedä morgä ufem tram gsehni di glichi frou, 

i luegesä a si erweckt mini libido, 

iri ougä blau weiss ni was i machä söu, 

und wesi usstigt wird’s ab denn zur fahrt zur höu, 

i wett doch nur das mi es warms lächlä berüehrt, 

statt däm wärdä eifach mini handflächene füecht, 

i sötts sä asprächä, irgend ä satz sägä, 

ohni ängst es komplimänt fürnes warms lächä, 

drum sitzi gspannt da, während dr tramfahrt, 

und wett sä iladä ufnä drink ir zar bar, 

dr abä im quartier gniessä, ohni ächti sorgä, 

fuck! iz stigt si wudr us, de fragi haut am nächstä morgä 

 

[Hook]

das si gschichtä vor linie 6 

ufere tramfahrt ir hood

 

 --------------------------