Tiggr - E Giu Namens Fränzi

Countrydirt-Version / Spelunken-Version

 

-------------------------------

Mi daddy het mi scho verlah aus chlin

Und er het nid viu glah mire ma u mir

Nume die auti gitarre u ne lääri fläsche bätzi

 

I hanim nie verüblet ds er eifach isch gschobe

Aber z gemeinschte woner je het bote

Isch bevor er isch wäg gsi chunnt dä u touft mi Fränzi!

 

Er muess sech dänkt ha s'sig e glatte witz

Aber mi lacht me us jetz ir ganze Schwiz

S'gseht us aus hätti drmit z kämpfe mini ganzi läbzit

 

D' Meitschi gugele u ig erröte

Paar giele müesse lache u ig se vermöble

I säg nech z läbe isch nid liecht aus giu namens Fränzi!

 

I wachse sträng uf u wirde schnäu äuter

Mini fuscht wird herter mini schläg chöme schnäuer

I zieh vo Kaff zu Kaff für mini Schmach z verberge

 

Aber i ha mr gschwore bim mond u de stärne

Dass se au abklappere die bars u taverne

U lege dä typ um wo d schuld het a mim verderbe

 

So chumi z langnou vrbi mitts im summer

bi grad ir gägend mit es bitzli hunger

U ha dänkt i cher churz i für öppis z ässe u nes schnäpsli

 

I re aute sprelunke ar strass vom Tschiemer

Dert am ne tisch u jasset e schieber

Hocket dä voudepp wo mi touft het uf Fränzi!

 

U i weiss die ratte isch mi eiget süess vater

Vom ne aute fötteli wo d mère het bhaute

U i erkenne die narbe uf dr backe u sini böse ouge

 

Er isch gross, buggelig, grau u aut

I luege ne a u mis bluet wird chaut

Mi name isch Fränzi! Luscht uf nes tänzli? Jetz muesch dra gloube....

 

U i hou ne zwüsche d'ouge u verpassenim e arschtritt

Er geit z'bode doch zu mire überraschig

Chunnt er ufe zückt es mässer u schnuuft wie ne stier

 

Aber ig schla ne fuscht gäge sini zäng

Mir krache uf d'strass use dür die gläsige wäng

Mir kicke u prügle i de schärbe im bluet u im bier

 

I säg nech i ha scho kämpft gäg herteri spinner

Doch wenn chani mi bim beschte wille nid erinnere

Er kickt wie ne esu u bisst wie nes krokodil

 

I ghöre ne lache när fluecht er beherrscht

Grifft nach sire knarre doch i zieh mini zersch

Er steit dert u lächlet u seit stolz zu sim giu:

 

"Sohn, die wäut isch hert.

U we's e ma wott schaffe mues er lehre wie me sech wehrt

U i ha gwüsst i wirde nid dert si für dir ds z lehra.

 

U so hani dir dä name gä u mi verabschidet

I ha gwüsst so wirsch hert oder zmingscht nid lang lide

U sisch dr name gsi wo di het glehrt di z wehrä."

 

Er seit:

"Jetz hesch grad e wahnsinns kampf kämpft 

U i weiss du hassisch mi und hesch aues rächt

Mi jetz umzlah u s'isch dr nid z'verüble we d'fingsch ds söu mis änd si."

 

"Aber du muesch mr danke bevor i stirbe

Füre stahl i dine glider u für die herti bire

Wüu i bi dä siech wo di touft het uf Fränzi!"

 

Und i schlücke was er seit u la se la gheie die knarre

Er seit zue mr sohn u i sägenim vater

U plötzlech isch ds böse biud vo mim aute wäg gsi

 

U i dänke no a ihn ab und zue

Jedesmau weni mi misse u jedesmau chunnts guet

U weni je ne sohn ha i dänke i toufene....Üäuch oder Hausi irgendöppis aber nid Fränzi! 

I hasse dä name immerno

 

(guet, dä nä mr)

 

 ---------------------