Migo & Buzz - D`Wäut dräit ohni mi

Single Stream & Download // Video@Youtube

 

[Part 1]

 

Ufem Schuttplatz vor Lorraineschuu, chasch du ke grade Pass gä

wüu dr Bode ungrem Teer neigt sich zu Jurastrass und Aare

Mir si us aune Länder und wo du hesch müesse ga

hätte mir aui dir ä Pass gä... Fuck

Wo eim d’Müetere am Spiuplatz sägä

Sprütze darf me nid alängä. So viu drunger

Näbem grosse Zuhn isch ds Gebüsch scho heroinabhängig

I ha gmeint, di Wahrnig vo denn würd üs aune de für immer länge

S’geit um Caps oder Slammer

Lang bevor mer eis vo beidem i dr Wirtschaft wärde

Uf Chlatschhunger Steine sueche bi dr Stäge

vom Teerplatz. Füehre 7:0 gägä Selecta

Hie chöi aui zimlech guet albanisch... flueche

Isch dis Velo furt, de chasches hie cho sueche

Üse Norde vo Bärn. U d’Abesunne maut ä wunderbare

Farbverlouf über d’Blocks so wie JAM

 

[Hook]

Scho lang nüm, scho lang nüm

scho lang nüm, scho lang nüm

So lang nüm, so lang nüm

so lang nüm

 

[Part 2]

Bärns Norde: Mir si wägzoge

wüu vo üs isch niemer Millionär worde

Riise Spekulation, si renoviere schiinbar d’Wohnige

Heisst, du chasch di verpisse: Si vermiete se für z’Dopplete

Und Yuppies zieh vom Land vo ihrer Längwili atribe

i Breitsch oder id Lorraine, zum Lärmbeschwärde schribe

Dir weit auternativ läbä? Fuck, wi rüehrend vo öich

Lug, im Brockehuus si d’Chleider ize tüürer aus nöi. Yeah

Chäschte us Glas. Yeah. Tags wärde bufft. Yeah

Är isch vegan. Yeah. Manager ir Bank. Yeah

Mieti zerrt üs zum Stadtrand

d’Physik vom Kapitau; städtischi Zentrifugauchraft

U du chasch di nid wehre, nume chlammre so fescht wis nur geit

füuh mi hüt no wi denn, i versprayte Egge deheim

Oase wi z’RaBe, z’Dänkmau u d’Brache

oder d’Brass wo du zum zahle mau ä Haubstung chasch warte

Quartier vo denn, wo 031 u CB4 no d’Heude vo de Nächt si gsi

I chum irgendwie nid wäg vo dir

 

 

 

[Hook]

Scho lang nüm, scho lang nüm

scho lang nüm

So lang nüm, so lang nüm

so lang nüm

 

Es isch sowieso nüt für immer

 

U we dir göht, gits üs no.