Migo & Buzz - Partys im Blauliecht 3

Download / Stream

 

Intro:

 

Verdunschtete Atem macht Wuuche u blibt när

am Kunschtfäu vor Jaggekapuze aus Glitzre

Z’Liecht vo de Stärne mir loufe im Wiis

z’viert a vergässene Outos verbi

Uskickti Latärne, und Äsche im Matsch

blibe zrügg hinger üs, rämple üs a

spile Gangster zum Spass oder zücke dr Stift

mir si gärn dr Kontrascht zu däm Bünzliquartier

Di Hürde bis hie, u mis Gäud immer knapp

u di Hüng vo dr Schmier, ds isch nüt im Vergliich

Mini Lüt si bi mir, i bi glücklech verliebt

und i füuhs so wi nie; au ds kämpfe hets bracht

Es isch schön i ha öppis z’verlüüre

und ha warm, i cha aus womi tödet verfüüre

Mini Gedanke si flammendi Öuteiche

Steck mir ä Parisienne iz Oug und es brönnt beides

Mir si angers aus dr Räschte, wüu mer viu meh mache

Über das wo mir erläbä, chönnt me Fiume mache

Nume hätt wasmer gäbe aus nid Platz ire Händycam

U Rap louft chly näbedrann, aus würd är mir Händli gä

Starche Geischt, i mir wüetet ä Jinn

aber nüechtern betrachtet, bini lyrisch dr King

U Solangs bi Wort blibt, hani di beschte Waffe

i sött afah fürne stichfeschti Weschte z’spare

 

U bis ds aus de wird, cha das hie aues si

es git immer öppis z’mache und mir bhaute d’Fantasie

Isch ä Freiruum erkämpft, fingt me i de blaue

Ikea-Filiale nid es passends Mobiliar für dri

I verschliess mer hüt für immer ä Tür

weisch i ha Angscht i paar Jahr gieng i süsch villech drdür

Und i ha ke Plan, wi ds gäg usse würkt

i wirde nie perfekt, doch gib mer huere Müeh

 

 

Aues Guete:

 

Ke Vertrag, kes Vertrage mit öich

S’git ke Schaudämpfer für zwe abgsagti Löif

Z’nöiie Partys im Blauliecht macht dütlech öiies Züg isch

nume Lückefüuuer für d’Zyt, zwüsche 2 u 3 gsi

Dsch für auui hie, wo sueche nachem Wäg zwüsche

Schnure haute, Dräck schlücke, zwunge lachend, nätt würke

und sech nachem Cash bücke

Oder puure Hass mau usela und usega u Chugle usre Gat drücke

Auu di Bourgeois-Rapper haute d’Luft a

I müesst doch eindlech Tom heisse, so wi ni vor Crews schtah

Und du zausch ä Priis für aues

Würdi überau mis Gsicht zeige, chönnti mir mis Ässe nümme chlaue

Immer duss d’Nachtstadt presst ihri Chinder a sich

und es fäugleitets Zahnrad het mi fabriziert

wed dem Flow fougsch, fingsch du zur Queue, i würd renne

bevor, dass dr Brabeck se privatisiert

 

Dsch ä angere Massstab

hole üs d’Wäut zrügg, fö mit dr Strass a

La di Mucke dusse pumpe

üsi Chugle nonid gfunge aues Guete chunnt vo unger

 

Dsch ä angere Massstab

hole üs d’Wäut zrügg, fö mit dr Strass a

Ke Geduud meh, nume Hunger

üsi Chugle nonid gfunge, aues Guete chunnt vo unger

 

Was liirsch du vom Oug ufem Dollarschiin

du hesch Ouge ufem Phone i dine scheiss Hose in

Isch dir dini eigeti Privatsphärä gliich

ey wie längwilig muess de dis Kackläbä si

Für jedi bsetzti Hütte ir Stadt

für Kids wo mi im Container chrütze ir Nacht

Für mini Eutere, wo müed si

hätt ig es Ching wi mi gross zoge, wäri ds o: Sorry

Mir si zrügg. Si ne 2-Maa-Armee

göne Troum a, mit Sound meh Erfoug ha isch Plan-B

Z’Wort i mim Muu isch es Echo vom Loch i mim Buuch

’s chunnt vo Boxe i Chopf wine brocheni Fuscht

Z’Konzept vo öine Songs isch, dass dir rappet, dass dir rappet

ey mau im Ärnscht, wieso hautet dir nid d’Frässä

Wäm ghört die Wäut, aber wän ghört die Wäut

Kläret öiie Schäiss u när machet öppis sinnvous

 

Dsch ä angere Massstab

hole üs d’Wäut zrügg, fö mit dr Strass a

La di Mucke dusse pumpe

üsi Chugle nonid gfunge, aues Guete chunnt vo unger

 

Dsch ä angere Massstab,

hole üs d’Wäut zrügg, fö mit dr Strass a

Ke Geduud meh nume Hunger

üsi Chugle nonid gfunge, aues Guete chunnt vo unger

 

Ghörsch di Wixer, wi si argumentiere

wi si d’Distanz churz rede zwüsch üs aune und ihne

Wi si verzwiiflet probiere d’Wuet uf si z’ungergrabe

Si z’verurteile, würd üs auui mitschuudig mache

I verchouf ke Waffe ines Chriegsgebiet

bou ke Zühn, spekulier nid ufä Nahrigsmittupriis

Wieso müesse mir dä Riiche danke fürnes Blockdach

überem Chopf? Ws wüsse die vo Ziegle

Chly Lärm i dä Lücke

aber aues was i schribe isch Bombe: Wär isch am Drücker

Säg wär isch bi de Lüt uf dr Strass blibe

jedi CD isch ä Schibe wo dir öich vo üs chöit abschnide

Hei nie Cash bruucht, zum finge was dir suechet

Üse Zwäck gsehsch i de Mittu wo mer bruuche

Absiits vom Wäg, wo auui loufe druf

Gö hinger jedem Loch im Zuuhn, nöii Horizonte uf. Chum mir gö use

 

Dsch ä angere Massstab

hole üs d’Wäut zrügg, fö mit dr Strass a

La di Mucke dusse pumpe

üsi Chugle nonid gfunge, aues Guete chunnt vo unger

 

Dsch ä angere Massstab

hole üs d’Wäut zrügg, fö mit dr Strass a

Ke Geduud meh nume Hunger

üsi Chugle nonid gfunge, aues Guete chunnt vo unger

 

 

Schlaflos in Bärn feat. Tommy Vercetti:

 

I bi schlaflos in Bärn

Für Entgleiseti da, bou ä Bahnhof im Härz

Und für mi ligt chly Fride imne Ussequartier

i bruch gd niemer womer sone gfiggte Muskuarm schickt

Nume use und am blaue Liecht entgägä

Mä söu schaffe a sech säuber doch mir gfaue mini Fähler

Und uf ke Fau bini mi Gägner

mit nur wöue oder nid, chasch du di Gfaune nid erklärä

Di unverdiente Ungerschide mache dini Form us

mini Fründe us dr Jugendzyt hei chancelos di Job gsuecht

i gseh se hüt im Stärneliecht, denn we sech üsi Wäute schnide

hustle mit Stoff dusse mach ne ke Vorwurf

Dr Ufprau verzögre nachem Stürze

närä gheie bis me sich ne afaht wünsche

Gebore ohni Flügu, ke Rettigsfauschirm

freie Fau u frontau ines Plexiglas-Schiud

 

(Tommy Vercetti Part)

 

Migo Buzz si zrügg für aui hie wo sich ä Stimm wünsche

dass me se mau gseht oder nume ghört

während si im Teerbode ungergö, Scho nur mit dene

X Hürde, wo eim im Wäg stöh, weme ohni Cäsh möcht

es Aubum use gä, chönnti 4 füuue

Ds isch ke Märliwäut, ds isch di ächti Wäut

wo dr Usgang nie ganz zu dr nächschtä längt

I tanz im Club nid, i stochre nume missluunig

i mim Handligspiuruum mitemne Partyschirm ume

U bi närä wäg. U niemer trinkt mis Glas us

niemer da bruucht mis schäiss Wächsugäud

Dir sit gebore id Privatschuu. U dir verzeuet Züg wi

me schmidet z’eigne Glück, spilet Polo imne Glashuus

Zwüsche dinn u dusse si

bini in Gedanke bide Fründe us dr Jugendzyt

Und hoffe o für si ligt chly Fride imne Ussequartier

jensiits vo Stress mit bedrucktem Papier

 

 

D’Wäut dräit ohni mi

 

Du hesch hüt ä kreative Song usebracht

Ig ha dr Komposcht usebracht

 

Du hesch hüt ä geniali Strophe ufgno

Ig ha dr Bode ufgno

 

I wüsst übertribe viu z’sägä, wenn i Gärtner wär

I bi sit 25 Jahr ufre RTS

Aber füettere hüt nur mi Äschebächer

Chöi üs später träffe, imene nächschte Läbä

Villech o nid

Dr Mond jagt d’Sunne am Himu verbi

Während ig's hüt knapp usem Bett ha gschafft

optimiere sich Mönsche i Apple-Läde

Isch okay doch löht mi in Fride

I ha zwöi paar Hose woni immer flicke.

I cha d’Wäut gd nid rette, i wett ja doch wart lug

I kämpfe scho hert mit däm Chopfhörerkabu

Ä Momänt nid sueche

beruhigt vo chlyne Bestätigunge

I ha hüt ohni Wärkzüg u Büecher u Händschä

ä Glüehbire gwächslet i füehlä mi männlech

Du seisch Sache wie:

Niemer sig so du wie... du

Angrersiits chöi mir auui drfür o chly dankbar si

Hüt chöi die wo sech nume säuber liebe

konsequenterwiis, sech mau säuber (ööh)

D’Strasse si chaut, schrib es Lied drvo

we du zäutlisch ir Nacht vorem Sneaker-Store

 

D’Wäut dräiht ohni mi

D’Wäut dräiht ohni mi

D’Wäut dräiht ohni mi

D’Wäut dräiht ohni mi

 

D’Wäut dräiht ohni mi

D’Wäut dräiht ohni mi

D’Wäut dräiht ohni mi

D’Wäut dräiht ohni mi

 

Ws weit dir mir z’sägä?

Dir redet ja im Büro nume über Sache wo nech eindlech nid beträffä

Zum Bispiu z’Wätter

Denn wenni dert wär tuet ds Coop scho zue

i bi 2 Vitamine am Tod vorus

Blick uf d’Apfauverbrönnigsalag

si gseht i dr Nacht chly wie Mordor us

Und i rouche ir Chuchi

nüt ligt dinne wo duss isch

Und öppis woni mau ha verlore gha

dräit geng no Rundine ufemne Zugsitz

We jede da usse ä Star cha si

Las la si

D’Wäut träit ohni mi

 

(Sax-Solo)

 

We iz aues dert usse würd ungerga

würdis warschiinlech hüt la passiere

Nume hoffe, dass si chunnt cho lüte

wi geng we’s mi dünkt, es chönn öppis nid stimme

Und mir würde ir Chuchi stah

si Kaffe trinkend, ig immerno rouchend

Und dä tobende Zombie-Mutante

zueluege bis si üs irgendwenn hole

 

 

D’Wäut dräiht ohni mi

D’Wäut dräiht ohni mi

D’Wäut dräiht ohni mi

D’Wäut dräiht ohni mi

 

D’Wäut dräiht ohni mi

D’Wäut dräiht ohni mi

D’Wäut dräiht ohni mi

D’Wäut dräiht ohni mi

 

 

Gwinnersite:

 

Dert woni wohne het me im Rase so Löcher grabe

d’Innewäng mit Beton verputzt und chly Chiis drigläärt

I dene Löcher söue ize d’Ching spile

ds me se nid so gseht oder ghört vo de Blöck här

Ab und zue wenn i spät us dr Stadt und vo mim

Heiwäg ab Rum im Eiwägbächer ir Hand chum, isch aus nur

no stiuer i gseh höchstens z’Flimmre us de TV-Röhre

und schtogle i Abgrund vo eim vo dene huere Spiulöcher

Fuck! Ds isch es chlises chauts Land

Lideschaft Angscht, Lieblingsfarb grau

Friss dini Gratis-Zitig oder schtrichle dis iPhone

Pssst... Ds hie isch schliesslech es Tram

Und mä läbt lieber liisli, wüu di meischte Lüt geng befürchte

dr Bügu z’verlüre, aus wär ds ä Schiilift

Kämpf bis z’letscht nur dass d'gsesch, sgeit um nüt wott hesch erreicht

U jede Morge chratzt me paar Verlüürer vo de Gleis

 

S’geit um Luxus (Luxus), Leischtig (Leischtig)

Aus wo du geil fingsch, chaut und allei si

Wiukomme uf dr Gwinnersite, Gwinnersite

Wiukomme uf dr Gwinnersite, Gwinnersite

 

Luxus (Luxus), Leischtig (Leischtig)

Aus wo du geil fingsch, chaut und allei si

Wiukomme uf dr Gwinnersite, Gwinnersite

Wiukomme uf dr Gwinnersite, Gwinnersite

 

Ey am Räscht si Muet isch läär im Flug, aus chäm er usre Minibar

macht Frässe numeno uf um öpprem z’säge är söu sini ha

I probiere mi hie dürez’mischle, mi niene z’verbrönne

Und hoffe mini Ching wärdä Mönsche. Yeah

Füuh mi gfange hie, wo du wärt bisch was d’verdiensch

Flüchte würd für für mi scho ga, doch ig nämt 2 kämpfendi Arme mit

Die fähle dä angre gly, wes äng wird und mir

si aus Gseuschaft so fescht gspaute, dass sech Lüt scho säuber sueche

(Was?!) Ähnlechi Schicksau kämpfe sech blind a

Drum gibi dir o mis Portemonnaie, obwou i es Mässer drbi ha

Egau ob du uf z`RAV oder zur RAF geisch

wär ar Wirtschaft nüt bringt, macht sich schiinbar zum Staatsfeind

es brucht ja die, wo dusse stöh,

die wode mitem Finger druf chasch zeige, we öpper z’luut vo öppis Guetem tröimt

Auso kämpf bis z’letscht, nur dass d'merksch, s’geit um Züg wo du nid wettsch

U jede Morge schnidt me es paar Verlüürer vo de Escht

 

S’geit um Luxus (Luxus), Leischtig (Leischtig)

Aus wo du geil fingsch, chaut und allei si

Wiukomme uf dr Gwinnersite, Gwinnersite

Wiukomme uf dr Gwinnersite, Gwinnersite

 

Luxus (Luxus), Leischtig (Leischtig)

Aus wo du geil fingsch, chaut und allei si

Wiukomme uf dr Gwinnersite, Gwinnersite

Wiukomme uf dr Gwinnersite, Gwinnersite

 

Mir riist leider gly d’Geduud. Ig ha geng meh eifach Bock

jede z’boxe woni duss triff: irgendeine muess ja d'schuud si.

Villech du, villech mir, villech auui chli

aber mit Sicherheit niemaus auui hie zumne gliiche Teil

Und we du’s frissisch, dass du im Ärnscht die Wäut

chönnsch verändere, mit däm was du frissisch, de schnausches nid

Ds macht di gliich nur zumene stouze Teil vo dr Nachfrag

und setzt bereits vorus dass du wie’s funktioniert scho akzeptiersch

Und brav machsch, was di Maschine wott und immer verlangt vo dir

mä blibt es Zahnrad, solang me konsumiert und was isch gliich

Die Gschicht het 1000 Site

nur weme z’Gäud ir Häufti teilt, stöh si uf eire rächt allei u du bisch nid dert

Doch wie oft gsehsch sone Rolex, wo du aus würdsch mache fürse

längscht erstarrti Armä schmücke, wo i Säubschtmord-Waffe münde

Merksch s’geit bis z’letscht nur um Züg wo doch nid längt

U jede Morge putzt me paar Verlüürer vo dä Wänd

 

S’geit um Luxus (Luxus), Leischtig (Leischtig)

Aus wo du geil fingsch, chaut und allei si

Wiukomme uf dr Gwinnersite, Gwinnersite

Wiukomme uf dr Gwinnersite, Gwinnersite

 

Luxus (Luxus), Leischtig (Leischtig)

Aus wo du geil fingsch, chaut und allei si

Wiukomme uf dr Gwinnersite, Gwinnersite

Wiukomme uf dr Gwinnersite, Gwinnersite

 

(Skit Pepe Mujica)

 

 

Teerblind (Skit):

 

Si wei Veränderig hie, doch wenni sägä ws me

chönnt ändre u wie, schwige mini Gägenüber

Und luege mi, o weni Erfoug ha z’Bärn

blöd a, aus obi usem Troumland chäm

I wott meh finge, zwüsche Teerblinde

mi nid begnüege mit begrüente Verchehrsinsle

Gseh nume Tube u ke Möwe, nume Muure u ke Relinge

doch jedi Seele het immerhin ä See dinne

I muess dingend mau furt

Wüu di Stadt färbt ab, so wie Eddinge

Merke wi ds Grau um mi um i mir inne achunnt

I ghei uf abgsteute Routräppe immer fasch um

Fuck. Aus hätti ä Wau

bruch Platz aus hätti ä (Walgesang)

Schnausch

Wär het üs einlech gseit gha mir fingä da Guud

D’Chance stöh guet, dass i stirbe amne Sunnti

nid heudehaft u cool imne Schusswächsu druf ga

nume ä arme Siech, wo me im Bahnhofsmigros

nach Ladeschluss vertramplet imne Frucht-Regau usgrabt

I wott ä angere Kurs nä

dr Manser ga sueche z’Malaysa im Urwaud

Gnue lang beloge für Pofit

nume d’Note i däm Lied hei ke Bluet drann

und so wini sit Jahre hocke wi uf Nadle

gloubi i chönnt ufem Waudbode sicher schlafe

Nöistart-Tröim ha, doch närä nid erwache

die wichtige Sache im Läbä si nid Sache

 

 

Chlini Revolver feat. Dezmond Dez

 

Zum lehre flüge

muesch dr Haut verlüre, hei si gseit aber i bi nur gheit

Doch I weiss dass ds aues nüt macht

I ha scho paar mau aus us nüt gmacht

I cha nümme los la, Sirene vo Bulle

Si renne vo Bulle, drvo d’Nacht

singt, i bi geng no hie unger

Und no we Heude eifach so vom Himmu würde gheie

Si würde bim ufschlah kabutt ga

Fuck. Gib mer no chly Zyt

I Weiss nonid wie, doch i muess necher ad Sunne

Mit üsre Musig verdient me

grosszügigi Shots; auso nüt ungerem Strich

I muess mer Zyt choufe u für das nimenis mit aum uf

Du machsch mir ä Tür zue? I mach mir ä Wang uf

Hustle u füu mini Madraze uf

u di Tröim, woni ha dert druff, duure länger

I wott eindlech gar nid so viu ha

Nume mini Zyt mau für mi ha

Wüsse, dass au bis am angere

Morge versorget si gloub mer ds längt

 

I verfouge ä Troum

Gloub i hou ne nid uf

Doch i verdou jede Louf

i ha chlyni Revolver im Buuch

 

Revolver im Buuch, Pä-Pä

Chlyni Revolver im Buuch, Pä-Pä

Revolver im Buuch, Pä-Pä

Chlyni Revolver im Buuch, Pä-Pä

I ha Revolver im Buuch, Pä-Pä

Chlyni Revolver im Buuch, Pä-Pä

Revolver im Buuch, Pä-Pä

Bini dusse, ligt immer chli Rouch i dr Luft

 

(Dezmond Dez Part)

 

I verfouge ä Troum

Gloub i hou ne nid uf

Doch i verdou jede Louf

i ha chlyni Revolver im Buuch

 

Revolver im Buuch, Pä-Pä

Chlyni Revolver im Buuch, Pä-Pä

Revolver im Buuch, Pä-Pä

Chlyni Revolver im Buuch, Pä-Pä

I ha Revolver im Buuch, Pä-Pä

Chlyni Revolver im Buuch, Pä-Pä

Revolver im Buuch, Pä-Pä

Bini dusse, ligt immer chli Rouch i dr Luft

 

 

Sofa zum mitnä

 

Es cha si dass ig kabutt ga,

doch s’wär schön we du mitchunnsch

Es cha si dass ig kabutt ga,

doch s’wär schön we du mitchunnsch

 

Yeah. I bi mit chly Münz ire

Täsche ume Haus und paar Fläschene los

und em einzige Vorsatz uf d’Frässe z’becho

I bi druff und dranne

So Banane; tribe Jungs uf d'Paume

Türsteher kenne mi, doch meine immer

us igemne Grund, si simer öppis schuudig

Chöit di maskuline Ärm würk bruuche

we dr morn am Morge auui mini Taggs müesst putze

A dr Bar jedes Glas verschüttet

mini gangne Fründe hei ä Aukvergiftig im Himu

Sorry

aber i steu mer gd vor wie dir beschisse uf Harve spilet

I vergisse öich niemaus

bi nur hange blibe, no chly hie

doch mit Blick uf die klirrende Fläsche

und singende Mässer am Biudrand, sägi: Bis baud

 

Es cha si dass ig kabutt ga,

doch s’wär schön we du mitchunnsch

Es cha si dass ig kabutt ga,

doch s’wär schön we du mitchunnsch

 

I bi ke Philosoph aber Proscht ufe Descartes;

dä Shot isch ä Streich a mis Ich vo morn

Mir dörfe ke Füür azünde näbem Club

Aber aues hie wo brönnt, isch o chly säuber d'schuud

Was abstürze? Auui wüsse d’Wäut isch rund

Und mir fäut d’Geduud. Ha a dini Charetüür piist, doch wart

I ha ds für Hip Hop gmacht (für Hip Hop)

I la si la schlafe. Doch stampfre

i Schnee vorem Huus, no es Härzli u lueg

si weiss scho wär se het bsuecht, wesi morn z’Fänschter uftuet

es gseht wine truurige Härdöpfu us

Schlafe isch aues wonni wott iz

Kokse chani no wenni tot bi

Uf de Woge vom Morge

chanes Sofa zum mitnä z’rettende Boot si

 

Es cha si dass ig kabutt ga,

doch s’wär schön we du mitchunnsch

Es cha si dass ig kabutt ga,

doch s’wär schön we du mitchunnsch

 

 

Löi id Luft

 

(Lion King-Sound)

 

Dir geits eigendlech guet

Es isch huere schön duss, mach d’Feuläde uf

und schreii öppis dumms, schrei öppis luuts

nimm ä junge Löi und stemm nä id Luft

 

Dir geits eigendlech guet

Es isch huere schön duss, mach d’Feuläde uf

und schrei öppis dumms, mann schrei öppis luuts

nimm ä junge Löi und stemm ne id Luft

 

Und wenn i grad ke Löie zur Hang ha

längt o mi Kater; nöime muesch afah

Hani ä Troum im Tribsand verlore

de bou i ä nöiä uf Lava

Rede chöit dir aui, bi mir wird

mache gross gschribe wider jeglecher Gramatik

Ds wird logisch ke Charthit

Doch kene vo dene tönt so wine Buzz-Beat

Üsi Tröim si no jederzit müglech

Bitte chouf nid jede Schäiss, wo dir di Fernseh iiprüglet

We di Stärne nid ächt si, wo dir ne da zeiget

griiffe Beton-Chinder nach Steine

U Baby, i weiss no geng nid

wime Outos knackt

aber eindlech isch’s doch vou egau

Houptsach ga, entlang a dr Outobahn. Ig louf si tanzt

Ig (früür) früür dä Momänt i

und (brönns) brönns iz Gedächnis

I bi glücklech u hoff dass es ächt isch, wüu mängisch

befürchteni scho fasch, i läb ihre Wärbig

 

Dir geits eigendlech guet

Es isch huere schön duss, mach d’Feuläde uf

und schreii öppis dumms, schrei öppis luuts

nimm ä junge Löi und stemm nä id Luft

 

Dir geits eigendlech guet

Es isch huere schön duss, mach d’Feuläde uf

und schrei öppis dumms, mann schrei öppis luuts

nimm ä junge Löi und stemm ne id Luft

 

Und wenn i grad ke Löiie zur Hang ha

längt o di ströiinendi Chatz vo mim Nachbar

Hani ä Troum im Tribsand verlore, de boui ä nöiie uf Lava.

Bini einisch z’fride, passeni uf

dass nid denn vergisse; s’geit nid auune so guet

u vom eigete gwinne ig ä breitere Blick, gseh

da würd für üs auu no viu meh dinn lige

u mir holes üs. Millimeterwis

wi Pistoleschüss

Scho ize schtöh die, wo mit de Lieder ufwachse

i mine Fuessstapfe wi Biuig-Schuehmarke

und du muesch nid aus so verchrampft gseh

dini Steu isch nid mau mi Plan C

Yeah. D’Strass i mir

Si fliesst id Wörter; mi Körper isch haub Teer

I bi duss mit de Jungs. Mir si vou motiviert und

hei ke Respäkt vor dim Bsitz uf Papier nur

vor dä Mönsche, lehre gönne

lehre teile: Mir auui hei Ifluss.

 

Dir geits eigendlech guet

Es isch huere schön duss, mach d’Feuläde uf

und schreii öppis dumms, schrei öppis luuts

nimm ä junge Löi und stemm nä id Luft

 

Dir geits eigendlech guet

Es isch huere schön duss, mach d’Feuläde uf

und schrei öppis dumms, mann schrei öppis luuts

nimm ä junge Löi und stemm ne id Luft

 

 

Amplä (Skit)

 

I loufe mängisch ir Nacht zure Ample

und näre warti, bis es Outo muess haute

U när starreni am Fahrer tief id Ouge

statt obwoui ize grüen hät, uf di angri Site z’loufe

Und luege winer hiufsbereit uf d’Ampleliechter zeigt

mit dr Hang gestikulierend geng wi necher ar Verzwiiflig steit

Sini Wäut ufem Chopf, wüui da

Statt mis Gott gäne Rächt wahr z’nä, blibe stah

U d’Sekunde verstriiche

Schweisstropfe uf sire Stirn, är gits uf mitem Winke

Eine wo dörft ga, aber blibt stah

und eine wo wett fahre, aber eifach nid darf

Är versinkt i sim Sitz, sini ganzi Logik bricht

I ha gwunne und weiss unger mim erbarmigslose Blick

isch öppis gstorbe i ihm, u das wird nie wider gheilt

es wird orange und är fahrt, i träi mi um u ga hei

 

 

Babel

 

I sig ruhiger worde. Ds isch nur ä Phase

Mini Wuet i Dose zumne grosse Turm ufstaplet

Mi guet 1000'000. Versuech zu Babel, luege abe

gse Pandora mitemne Dosenöffner dunger warte

Glück isch nid konstant, wasi bi cha gar nid glücklech si

für ds binis scho z’lang. I bi nur gfange imene Zwüscheding

mit Lüt, wo wüune z’Smartphone isch bim Kacke abegfloge

tobe, bis si zämäbrächä ufem Badkeramikbode

Gloub mir di Gstaute si aui am Arsch, lueg es spiegle sech Zombies im Tramschibeglas

we si ehlech si, wüssi si gar nid für was, dass si da si, für das si ja angeri da

5 Tag schaffe, für sech mau sones Vita-Coaching z’leischte

Lehre Meditationsüebige wo sech für d’Mittagspouse eigne

No chly fahre mitemne Pladdi, so dr Kater Sunnti Nami

I ha wöue im Teer vo dere Stadt no öppis gseh wo doch gar nid da isch

Dr Bürostuu usem Bürofänschter, und figget öich i bi gange

Nur um när nach 2 Tag z’cho, und mi z’entschuudige bi aune

 

I gheie zrügg. Mir isch egau was du dert obe fingsch

egau was du dert obe fingsch

I finge nüt, i finge nüt

I finge nume dr Bode und us Unger wird Obe

 

I gheie zrügg

gheie zrügg

I finge nüt

finge nüt. Mache unger zu Obe. (Obe)

 

Migo u Buzz: Mir si wit vo Vermarktig entfernt, aber geng no Produkt, so wi aus hie

Merks immer wider, wüu dert usse ir Stadt isch jedes vo de Lieder es Schnuufe im Plastig

Z’Paradies isch nid unerreichbar, bou mit nöiiem Atriib ä Turm u ghei drab

Du wirsch nie i mine Schueh chönne loufe. Wi söu ds ga? i ha nume eis Paar

Und angeri hei gar ke Zwiifu, hei ä Gott und ä vorbuechte Platz im Himmu

Für si bini ä arme Blinde, wo sech stosst a de Möbu vomne Wartezimmer

Dir schlöt Richtige i (i) mir schlö Richtige us (us)

Villech seit dr d’Börse ä richtigä Kurs, doch vo däm hei nume d’Gsichter ä blasse Schimmer

Und erwart nid immer, dass du angers bisch. Vereinzelig spiut nur dr Wirtschaft id Hang (Ah)

Schliess dini Liebschte i Arm; die meischte Lüt wärde im Winter entla

Die Wäut het me Schranke aus Tetris (Tetris), nid auui chöi glücklech u fett si (fett si)

Die Stadt het meh Streife aus Netflix (Netflix) u Junkies drücke uf Exit (Exit)

Wes no Nacht isch, wenni los muess u scho Nacht isch wenni hei chum

träi i mi nur no chli schneuer im Kreis u dr Tag frisst sich vonellei uf

I weiss nur, ds aus mi o faus i dert obe bi trifft: Mini Lüt si da unger und lide

Lieber hani wider mau dr Bode im Gsicht und blibe bi ihne

 

I gheie zrügg. Mir isch egau was du dert obe fingsch

egau was du dert obe fingsch

I finge nüt, i finge nüt

I finge nume dr Bode und us Unger wird Obe

 

I gheie zrügg

gheie zrügg

I finge nüt

finge nüt. Mache unger zu Obe

 

Wine Glunge am Bode

wo verdunschtet bis Tropfe

sech zu Wuuchene kopple

us Unger wird Obe

 

I gheie zrügg. Mir isch egau was du dert obe fingsch

egau was du dert obe fingsch

I finge nüt, i finge nüt

I finge nume dr Bode und us unger wird Obe

 

I gheie zrügg. Mir isch egau was du dert obe fingsch

egau was du dert obe fingsch

I finge nüt, i finge nüt

I finge nume dr Bode und us Unger wird Obe. (Obe)

 

 

Schwarz AG feat. Iroas

 

I ha ds eigendlech doch nümme wüue mache

Gseh iz ke angre Wäg

sit lang nüme im Mage u dr Chüschrank isch läär

Suech ä Telefonkabine, fass mir es Härz

und i mäude mi ir Nacht bi mine griechische Kontäkt

"Aues klar, chöi üs träffä zum bespräche

hane Spot wo sech lohnt, chum mir gäbe dä gd zämä

la dis Natel deheim, i bringe mis zum Kolleg

gseh üs närä da wo geng. Aues witere dert“

Zrügg ir Wohnig, i packe wasi muess

ä schwarzi Sturmmaske zur Jagge mit Kaputze

d’Täschä mit au mine Wärkzüg u d’Lampe

gspühr z'Mässer ir Hang, ha, chly Angscht dass is bruche

Doch während däm ig aues überprüefe

Chunnt ds Jagdfieber ufe, i bi wider wi früecher

Dürne Schwung us mim Arm wird dä Stock mit es paar

Teleskopgwind es chauts todbringends Metau

 

Es isch Nacht über Bärn

Schwarzangler-Gäng

 

Schwarzangler-Gäng: Bringe Ässe ufe Tisch

binge Hääge unger Gwicht, jedes Gwässer het ä Fisch

Schwarzangler-Gäng: Steu di toub, lueg nid härä

ey süsch boxt me di zämä, s’geit um Tod oder Läbä

 

Schwarzangler-Gäng: Bimne illegale Teich u mit

dä Widerhaage-3er, gib ä Figg uf d’Fischereiufsicht

Schwarzangler-Gäng, Schwarzangler-Gäng

Schwarzangler-Gäng. Yeah! Yeah!

 

Stöh ir Nacht i dim gschützte Privatteich

D'Gäng isch Familie; jede het si Ateil

Fische verbote? Egau, hei ke Wau

aber gäbs hie eine irgendwo, de würde mir nä sicher hole

Si es iigspiuts Team i däm Game

Mit Netzwärk und Spots wo süsch niemer hie kennt

Dir so: Bielerseerand mit paar Wiisfiische drann

Die hei meh Gräät aus ä Interdiscount

B**ches. Mir hei im Quartierbad gfischet

„Isbahn gfischet“, Tierpark gfischet

Dert wo me darf, gits doch eh nüme z’fah

Lueg mi a: Wär cha sech ds scho leischte, verdammt

I ha ke 200 Schtutz für ds blöde Padänt und i bi usserdäm

dr ungeduudigscht Mönsch uf dr Wäut

Hip-Hop si no immer die 4 Elemänt

Graffiti, Fische, vergässä, und Rap

 

Es isch Nacht über Bärn

Schwarzangler-Gäng

 

Schwarzangler-Gäng: Bringe Ässe ufe Tisch

binge Hääge unger Gwicht, jedes Gwässer het ä Fisch

Schwarzangler-Gäng: Steu di toub, lueg nid härä

ey süsch boxt me di zämä, s’geit um Tod oder Läbä

 

Schwarzangler-Gäng: Bimne illegale Teich u mit

dä Widerhaage-3er, gib ä Figg uf d’Fischereiufsicht

Schwarzangler-Gäng, Schwarzangler-Gäng

Schwarzangler-Gäng. Yeah! Yeah

 

I ha dä Druck uf de Schuutre, kenn kes Versägä

Ke Fähler, Fuck i muess ä WG ernährä

 “Du chasch whobble, i tue watche“

seit dr Griech, mit paar Schritte ads Trochne

„U nimm lieber es Vorfach, wirf

näbä z’Schiuf wüu dert in si di Grosse“

Gspühr ä liechte Wind ufcho, wo chly raschlet im Gebüsch

und z’Spiegubiud vom Mond ufem schwarze Teich verwüscht

I bine Stadt-Pirat, und Container-Gmüess

Zu Fisch usem Quartierbach macht mi satt

Häb Respäkt vor Kultur, Bä-Bä-Bäck to the Roots,

du bisch ke Fischer: Zieh di Bucket ab! (Toy)

Mir hechte mit Hechte id Büsch

du seisch lieber nüt, süsch redsch mit dä Pfüscht

Träiie düre wine Spinner, du geisch z’Bode wine Wobbler

mir si boge wine Ruete, touche unger wine Schwümmer

 

Es isch Nacht über Bärn

Schwarzangler-Gäng

 

Schwarzangler-Gäng: Bringe Ässe ufe Tisch

binge Hääge unger Gwicht, jedes Gwässer het ä Fisch

Schwarzangler-Gäng: Steu di toub, lueg nid härä

ey süsch boxt me di zämä, s’geit um Tod oder Läbä

 

Schwarzangler-Gäng: Bimne illegale Teich u mit

dä Widerhaage-3er, gib ä Figg uf d’Fischereiufsicht

Schwarzangler-Gäng, Schwarzangler-Gäng

Schwarzangler-Gäng. Yeah, Yeah

 

Egau ob, private Teich, Bad oder Baggersee

Glas vo Aquarie, Bach vorem Autersheim

Damm vo dr Ara, Reservat vomne AKW

Schwarzangler-Gäng, mir si überau wos Wasser het

 

Egau obs hie grad e Hecht, Barsch oder Brachse het

Zander oder Barbe, oder Nase oder Karpfe het

Saiblinge, Haifische, Tümmler oder Lachse het

Schwarzangler-Gäng, mir si überau wos Wasser het

 

Schwarzangler-Gäng, Schwarzangler-Gäng,

Schwarzangler-Gäng. Yeah! Yeah

 

 

Plattetektonik

 

Sich säuber liebe, sich säuber sueche

mit emne eBook, sich therapiere, hiuflos niemer bruuche

I ha mi nie säuber gfunge, z’weni Eso

z’weni mi i Spiegle verlore

We mi öpper brucht het hani nid i mir gsuecht

sondern gluegt, wases duss het u wienis cha hole

Aus obi nüt us Fähler hät glehrt

aus ob ä Rabeschwarm übermi wägkreist

Ufem Wäg hei z’Gfüuh uf dänä Wäng geng

Schätte vo tuusig Flügufädere z’gseh

U hüt bini ä Zug, egau was mi närvt

chum über aues hinwäg u d’Erschütterig isch churz

Ds isch d’Musig vor Börse

Robocops spile uf dä Gummischroot-Flöte

Stadt im Näbu

Parkplätz u Farb dank Wärbig

so allei ire Stadt vou Längwiler

chum mir probiere wach z’blibe

ines paar Jahr längts villech

 

Ds isch Plattetektonik für Afänger

jede steit uf sim eigete Stück Bode

u niemer wott sech d’Hang gä, mir tribe vonenag wäg

immer witer vonenang wäg

 

Ds isch Plattetektonik für Afänger

jede steit uf sim eigete Stück Bode

U vo dert us gseh, wo mer cho si

muess me sägä: Mir si geng meh verrückt worde

 

Üs verbindet nur e Strahlig wo verschwindet ine Chaschte

aues wo mer vo üs gäbä, wird begränzt dür üsi Taschte

Bi de d’Gsichter wo mer mache, wemer Nachrichte verfasse

würke d’Smilies wo mer schicke, wi verzwiifleti Grimasse

So allei. Gwöhnlechi Nacht

d’Strass ab de 1e zue. Mönsche lige gstablet im Reihehuus

Und eine bi ig eine du: Ä Spaut tuet sech heimlech uf

 

Ds isch Plattetektonik für Afänger

jede steit uf sim eigete Stück Bode

u niemer wott sech d’Hang gä, mir tribe vonenag wäg

immer witer vonenang wäg

 

Ds isch Plattetektonik für Afänger

jede steit uf sim eigete Stück Bode

U vo dert us gseh, wo mer cho si

muess me sägä: Mir si geng meh verrückt worde

 

Du chasch Tröim plane, aues berächne

u närä zum Schluss cho, se scho ize abz’bräche

Und lieber für di luege dassd später no gnue hesch

und später für di, dassd für später no gluegt hesch

Figg das! I wott z’Läbä gspühre

i wott nid iz ufgä, mann mi müesst me zwinge

Doch am Räscht schiint dr Räschtä egau

S'hei nur au iri eigeti Wäut i dr Hang

Mir isch z’Schlächte presänt, überau verdammt

i wott häufe und fah bi mine nächschte a

Wüu mir hei au nid drvo tröimt, nume z’tröime, närä

im ne Callcenter-Hotline-Geböide z’stärbe

Nid nur uf- oder abstige: mir wei usstige

So entsteit öppis nöis drnäbä

Chum mir baschtle ir Nacht amne 2te Läbä

u probiere wach z’blibe, ines paar Jahr klappts villech

 

Ds isch Plattetektonik für Afänger

jede steit uf sim eigete Stück Bode

u niemer wott sech d’Hang gä, mir tribe vonenag wäg

immer witer vonenang wäg

 

Ds isch Plattetektonik für Afänger

jede steit uf sim eigete Stück Bode

U vo dert us gseh, wo mer cho si

muess me sägä: Mir si geng meh verrückt worde

 

du bruchsch niemer

du bruchsch niemer

du bruchsch nur no ä chline Chüuschrank

und ä grosse Spiegu

 

du bruchsch niemer,

du bruchsch niemer

du bruchsch nur no ä chline Chüuschrank

und ä grosse Spiegu

 

 

La di nid la frässä

 

Fuck. Är isch knapp 26i

Und mi Mittufinger het Burnout. Louf näbem erschte Bös allei

im Sunneufgang über ufknackti Veloschlösser hei

I finges schön da, (Schön da) aber leider si au (Tön grau)

im Lied wo di Stadt singt, si het nie es nöis gmacht

Und mängisch füuht me sech chly verlore da

louft dr Nase nache, aber Schnee zeigt dr nid Norde a

und gloub mer au di aute Nadle i de Büsch vom Kocherpark

hei no nie würk nach obe zeigt und gä ke guete Kompass ab

I ha kes Smartphone aber so ganz allei füehrts doch zu nüt

we auui um di ume scho ä Zuuhn hei kouft, bisch du o umzühnt (ah)

U i gloub o nüm, dass i immer meh bruch

trag mi Schaft id Ikea zrügg u gseh us wie dr Jesus (haha)

Und isch dr Winter verbi

treit wär würklech het gfrohre, es Stück vo sim Norde

für immer i sich. Und git aus, für dass ds usegeit

gloub mer, es wird besser weme usegeit. Mit dr Zyt

 

Lug i weiss no, wid hesch gmeint, dassd' hie nüm witerchunnsch

Mittlerwile chunnsch du witer aus du's mitbechunnsch

Zwüsche Höu und Himmu lige nur paar Schritte und

La di nid la frässä vo vier Wäng (vier Wäng)

 

Lug i weiss no, wid hesch gmeint, dassd' hie nüm witerchunnsch

Mittlerwile chunnsch du witer aus du's mitbechunnsch

Zwüsche Höu und Himmu lige nur paar Schritte und

La di nid la frässä vo vier Wäng (vier Wäng)

 

Und o wes uf und ab geit, voraum wes huere abgeit

gsehsch, dini Lüt si meh, aus aus was angeri uf re Bank hei

Und wed du da steisch eifach da steisch und Tränä lachsch

chasch druff ga, irgendnöime, villech im Geböide näbedrann

sitzt eine am Computer und isch allei no wach

z’Büro dunku, nur dr Drucker summt und steut sech ab

Und är blibt eifach da, suecht verwiiflet nachme Grund

warum er iz einlech hei sött ga. Doch fingt kene

 

La di nid la frässä

La di nid la frässä

 

Lug i weiss no, wid hesch gmeint, dassd' hie nüm witerchunnsch

Mittlerwile chunnsch du witer aus du's mitbechunnsch

Zwüsche Höu und Himmu lige nur paar Schritte und

La di nid la frässä vo vier Wäng (vier Wäng)

 

Lug i weiss no, wid hesch gmeint, dassd' hie nüm witerchunnsch

Mittlerwile chunnsch du witer aus du's mitbechunnsch

Zwüsche Höu und Himmu lige nur paar Schritte und

La di nid la frässä vo vier Wäng (vier Wäng)

 

Mau di Rueh ha und mau widr gnue ha.

Nur dä Sound i dr Bluetbahn. Mir schaffe ds au, wi dr Urknau.

Es giut, o we si chaut schiint, im verbiifahrende Blauliecht

Hinger dr Fassade sueche wiudi Blueme immer ä Spaut dinn

Wi chasch du druff si, we du drunger gsehsch

ruhig und geduudig, wed dr Hummer und dr Hunger gsehsch

Bsungers, we du am Subcommandante sini Lunge hesch

u z’Härz vomne junge Che? Oder umgekehrt.

 

 

Daniel Düsenglied feat. Toro

 

Ey yo Toro "Hm?" mir mache immer z’gliiche Lied

aber mir isch ds egau: Mann i fiirs!

Und i gloube, we di chline Sache nüm so Kacke schiine

cha ds villech ja di Grosse chli chliner mache. Oder? Hä

"Saletti Mänu, säg cha ds scho wider a dr Zit si

Ou Shit, dä isch deep gsi (King!)

Villech fragi würklech nache

villech spieli ja o eifach a uf üses letschte Featuring“

Mir si Jogger suspäkt, und mache mir chly Angscht

Ey i de bereite sich uf öppis vor und i weiss nid uf was

Verschlossni chauti Gsichter; lueg jogge isch gar nid witzig u

si tuusche bim Sech-Chrütze konspirativi Blicke us

"Si gseh nume 1 und 0

säge: never change ä running System

Aui seckle düre Waud u drum hani Schiss, wenn's

vom Nutribullet nur no 15 Stück het. Het haut Glück, wär Glück het"

 

(Hochstehende Zwischendiskussion über Kreiselkunst)

 

"Generation E-Stoffe, bi üs bisch no Chips-süchtig gsi

es isch meh gloffe, obwohl si hüt doch Chips-süchtig si

Body trackend schufle sech di Opfer es Grab

gheiie ihri zrügggleitä Stockwärk z'dürab"

Dir so über wie säch ernähre diskutiere

und ig ääähm, gloube nid a Vitamine

Du seisch mr: Du bisch was du issisch bro

und ig so... Figg di o

"Fing i o! Auer guete Dinge si 3,

oder für Katholike verbotte

Wenn schnaue bitte die Tuble ds o

bi üs hesch vom Wixe no Muskle becho"

Nid so tragisch, dass i uf Musig-Vetrib ä Figg gibe

ha no z’Velo-Liechtli-chlau-und-Vertick-Buisiness

Weisch was mi flasht a dene rappende Freichiuche-Lüt?

„was?“ Eigendlech nüt.

 

(Hochstehende Zwischendiskussion über Kreiselkunst)

 

"Di meischte Wöschbrättbüüch hei es Bügubrätt vorem Chopf

u Socke cha när gliich kene zämälege

Dunger im Garte vorem Schutte um d'Näme schlegle

Dr Romario bi ig."

Du fragsch di jede Tag nur: „Was wott dä geng no da?“ plus

„dä Wixer machts sech’s eifach“ Pleonasmus

Uf dä Track wartet äuä niemer

so wie uf 10 vo dine oder wie uf d’Wäue 7

"Di Wäut isch scho gross, doch die Wäut isch o chli

und i mire hets no Platz für chli Säubschtironie

Finge Saunas tüe mer guet, ha nid witerdänkt drbi

wo FHG het überno, binig im Fitness-Center gsi."

Du wosch ä freshe Vergliich

Mis Aubum isch besser aus dis

Di Vater isch SCB-Fan

Und lacht über Behindereti und isch SCB-Fan

 

(Hochstehende Zwischendiskussion über Forschung & Songtitel)

 

Ächt i finge Schmätterlinge-Flüguschleg überschetzt

setze vou ufä Laser-Ouge-Elefante-Effekt

Und Message isch eis, aber Gunshots si meh

mir fäut (Päng) hie ä (Päng) Zile (Päng) yeah

"Hey! Forscher hei usegfunge dass

scho früecher Forscher hei usegfunge dass

niemer intressiert, dass Forscher hei usegfunge dass

angeri Forscher hei usegfunge dass"

 

 

Schneechuglerand

 

Ey i ha no e  Notfauhammer iipackt

Für was?

Füre Notfau

 

Griife ids Läärä, d’Wuchenänd si sech ähnlech

Gheie bis am Sunnti, und sech chlammere

a aum wo eim dr Sturz git und knapp überem Komma none Punkt finge

schliichend wird z’Läbä zumnme zwinkernde Smilie

U klar schiissts mi a, wie di Jahr mi verändre

statt ä Maa schiine ig ä Maschine z’wärdä

Wiso i ke Pirat bi, ä so wis wär plant gsi

chani mir gar nid erkläre

Facebook hani scho gläsä, mir isch gd so längwilig gsi

dass ig mir hane Guudzahn la mache

über öppis muesch ja mau lache. Verarsche mi säuber

Und latsche dür ds Game wine grafische Fähler

Fessle si ersch weme se wahr nimmt e so schwär

dass me sech nüm bewege cha; jede Tag Winter im Härz

Mir nämä üs nid Zyt, gloube zwar, dass si chunnt

aber Jungs: Mir si gar nüm so jung

 

Doch i weisses genau

Es git meh nur nid da

I wotts gseh und i wate im Kreis ume

I sueche dr Schneechuglerand

 

Dr Schneechuglerand (dr Rand)

I sueche dr Schneechuglerand (dr Rand)

Doch i fing ne u chlopfe vo

inne ads Glas

 

I muess bevor si mi iquetsche, vo Robotere iikesslet

z’letschte Stück Läbä dürne Chopf vomene Stift presse

Lärm vor de Chlystedt, Wänd worde zu Schribbletter

d’Wäut tobet. Während dir näch d’Ohre i Gring presset

Biete jede Tag am Sensemaa chly z’Ässe a

doch check mis Umfäud: I befürchte i blibe übrig

und am längschte da. I ha nie dänkt, dass igs würd eifach ha

U Bulle läsä "figget öich iz Chnöi" i mire DNA

I chönnt scho fiire doch i ma nid, tuet mer Leid

Würke reserviert, aus hätt öpper ä Jagge uf mi gleit

Mä git dir es Spiu wo nur um lääri Ablänkige geit

u scho bisch motiviert, aus ob me mitre Knarre uf di zeigt

 

Doch i weisses genau

Es git meh nur nid da

I wotts gseh und i wate im Kreis ume

I sueche dr Schneechuglerand

 

Dr Schneechuglerand (dr Rand)

I sueche dr Schneechuglerand (dr Rand)

Doch i fing ne u chlopfe vo

inne ads Glas

 

U die wo üses Potentiau verschwändet gseh im Underground

si die wonig im Outo gseh, im 10te Lied ar Ample stah

Si finge nie d’Brügg vo Rap zu Poesie zrügg

Äs schiint immer liecht bi mir. Aus hätt ig Angscht vor Iibrüch

Sorry dini Spuure blibe nid im Schnee

Du bisch es Imitat und dini Tate schwige dir ä Text

Migo, Buzz, gschlossä aus gä: di Zile si perfekt

und au wärdä gnosse aus hätt dr Fidel mit ne gredt (Yeah)

Lug Mir wage üs immer chly witer

und sueche dr Rand, aber finge ne niene

 

Verdunschtete Atem macht Wuuche u blibt när