Jahmool - Emotionä EP
-------------
Glück
[Hook]
Ig wot doch nur glücklech si
u was bedütet das Wort für di
Für mi isches irgendwie
der houptgrund wiso ig hie bi
Und i gspürä di schmärz
Ig weis es isch lätz
z phouptä das nid so bisch
Doch immerwider närvts di
wen die sachä nid so loufä wie du wetsch
Gspür dis härz wo schlat
u dini richdig fingsch de scho
gang so lang de masch
bis das glingt wo de wosch
[Part 1]
Es isch luschdig Lütt hei nume Ouge füre Stutz
u rege sech när uf über ihre gross verluschd
si fluechä Lutt u brätschä sech kapput
Derbi sisi säber herr über das produkt
Mir si aui im ne chäfig u ringe nach luft
bitte um vergäbig und wärde när verfluecht,
Es git kei glück ohni das de suechsch was de bruchsch
Aui idrück locke di i sicher abgrund
[Bridge]
Wenn der abgrund dah isch, gits nüt z holä meh
Es würd ou scho länge liecht im Tunu z gseh
Du weisch genau das dir niemer cha häufe
wüu niemer cha luege das du glücklech bisch
Niemerem chaschs vorwärfä,
si mache sicher scho aues wo möglech isch
[Part 2]
Glück ische Gfüu und ig säge der wiso
no im Herrtischte Kämpf chasch du das gfüu bercho
Es isch totau rein u es treit keis Risiko
Keis Gäut uf der wäud cha dergägä acho
[Hook]
[Bridge]
[Hook]
------------------------------------
Wies würklech isch
[Intro]
uf wartisch, uf was wartisch du vertrou dim Läbe und es geit!
Ou wenn niemer me da steit
[Hook]
Es chunt drufah was du vo däm hie erwartisch
erhoff dir nid zviu süsch zerbricht dört drann dis Härz
üeb di i geduld, es isch wichdig das de wartisch
wenn aues guet chunt ischs jedi sekundä wärt
Wüu bi au däm Hass wos hie git muesch starch si
niemer cha dir säge wies würklech isch
fing dini Liebi, lueg das de wach blibsch
Wär nid gseht cha nid nä was im z Schiksau git
[Part 1]
Ig loufe ufem Wäg wo mir z Läbä git,
jede schrit dänkbar, für Abetür startklar
Ou wens mängisch nid so wird,
wieni das ha dänkt gha, blibeni standhaft,
aues isch machbar
Mis Füür macht mi Starch,
ig ha aues i der Hang
füehlä kei zwang,
spilä gägner ane wang,
Ig ha vertrouä und besinnä mi uf das
wüu es isch glich was du machsch
es isch immer dini chance
[Bridge]
Mängisch spiuts mi us wie nüt
Isch das äch aus
isch das woni wöuä ha
Ig ha so viu u glich no nüt
isch es äch das
das aues woni wöue ha
Wüu aues i dam Läbe het si Pris
är isch nur so höch wie du ne wäusch
gwüss isch nüt eifach so verbi
du blibsch immer ä teil vo derä Wäud
[Hook]
[Part 2]
Gib nid uf nid wäg de steinä i dim Wäg, oh noo
lehr se ts vernichdä, bou mit ihnä Brüggä
vertrou uf di u dini sterchi und soo
chunsch du witer, witer z dim Ziu
Nims i Agriff, es isch klar dases hard wird
oder versteck di, louf wägg und verletz di säuber
Was isch äch besser wenn de Drannblibsch
oder wenn de dänksch es chunt aues, aues vo säber
[Bridge]
[Hook]
------------------
Ig ha nüt meh
[Intro]
au die Liebi wo du gisch
isch si es spiu wod mit mir tribsch
oder füeusch äch
ig weis nid würklech rächd
isch äch das aues ächd
[Part 1]
ig ha di troffä zuefäug aber sicher bini gsi
das du mis härz hesch eroberet iderä churze Zit
glich bini vorsichtig blibe wüu es wär nid zerschmau gsi
Das ig hätt gfüu ufbout fürne frou ohni Ziu
Mir hei üs kennäglehrt
u mir hei passt zunenang
Mir heis schön gha zäme mänge tag und nacht
Es isch komisch worde und ig hegä ä verdacht
ig nime iri hang u sägere:
[Hook]
Brich mer nid mis Härz wüu ig ha nur eis,
u wenn das furt isch hani nüt meh
Ig iebe jede tag woni ha mit dir,
Ig gloube du versteisch nid was i mir abgeit
Wüu du bisch di einzig i für mi
u keni git mir das wo du gisch
und i wet iz keini spili meh
ig wot müssä was ig für di bi
[Part 2]
Gang nur di Wäg u du fingsch ne gli, nüt isch me wichdig u nüt ischs gsi
Nume gedankä Stungä verbi, nur ä Mönsch wo vertrout het uf d Liebi i ihm...
Ig nimes dir nid übu das du bisch wied bisch, Jede Mönsch mues wüssä was für ihn wichdig isch
Zit heilt d wundä oder risst se zu sich. aber für mi keit öppis iz gwicht.
S isch wine Bliz wo preicht,
Ei Blick und ig weis wies der geit, es steit schlächd um üs
O weni weis was de seisch,
wotti nid das du geisch, eifach usem nüt
Nei gang nid eifach so, du bisch scho viu z töif drinnä i mim Härz
la mi nid la gah la mi nid lah gah
Weisch i ha Liebi im Härz und gloube dra
foge re, vertrouerä lugere id Augä vervougä irä blick gägä bode
grad woni ha begonnä ire z Härz uszschüttä
und ig widerholä
[Hook]
[Part 3]
Du fragsch di wi das wär wen du mi würdsch verlah
Zersplitteret mis Härz de isch dir das egau
De gang doch di wäg und la mi hie la stah
Faut dir das nid schwär de bisch du mir egau
Ig spilä keni spili ig bi z`aut für das
Kei Mönsch isches wärt ne zum Narr z hautä
Gloub mer ig ha kei Zit für au das
Wenn du wosch ga, gang
ig ha nie öppis verlangt
[Hook]
-----------------------
Du fäusch
[Part 1]
Es git kei Wäg wo mi zrügg bringt
Keis Rad vo der zit
nume Gedankä wo mi tragä
u si bringe mi so wit
wägg vo mir u de Problem
mini Wäud schiint ä Schattä zs si
Vou Zitä vor Gedud
vorfröid druf was vor mir ligt
hütt dänkeni a denn
sisch win Funkä vo Geborgäheit
Kämpfä gäge Autag
Verlürä mini Sicherheit
Sgit nüt meh wo mi hautet
und nüt meh wo mi treit
Grossi Fläckä vou Dräck
Verschmutzä üses Wissä Chleid
U keni Unschuud
Lügner lachä mir ids Gsicht
Es git kei Guet u kei Schlächd
Es geit nume ume Gwinn
U ds Schiksau wird wird zum Find
u zum gröschtä Verdärbe
Es roubt mir unschuudigi Lütt
us mim Läbä
[Hook]
Wüu du fäusch, du fäusch u dä Platz i Mir isch läär
Ig würd gärn am Rad dräiä, wenns so öppis gäbt
Ig ha kei Chraft me, gibe doch scho aus woni cha
Doch es füeut sech ah aus wär gar niemer da
[Part 2]
Ig füehlä mi so machdlos und chli
raschdlos und überflüssig
dänkä a Fründä, Liebi
am liebschtä wüssti
Wies ne geit u wo si si
wiso ig se vermissä
werum isch aus so cho
hets das würklech müesse
Ig loufe im ne Strudu und är kreist um mi
aues woni düregseh erinneret mi meh
a au die glückleche Mönschä
wo aues guet isch gsi
au die schönä Momäntä
ig wet se wider hie
[Hook]
-----------------------
2024 Chaostruppe | Alle Rechte vorbehalten ®